He Tīmatanga Hou

I tae mai te tini me te mano ki tētahi karakia whakamahara mō Rangiātea i muri noa mai i tōna weranga; i konā, ka puta te kupu taurangi a ngā iwi nei kia tū anō a Rangiātea , 'ka hanga tātau i tētahi Rangiātea hou'. Kua noho tēnei whakaaro hei kaupapa mātua mō ngā iwi nei, mai i taua wā.

Kua noho ēnei mahere o te Rangiātea hou hei haeata nō te rangi hou mō ngā iwi o Rangiātea . He hua ēnei mahere nā te mahinga ngātahitanga a ētahi kaihoahoa whai pūmanawa, arā a Bill rāua ko Perry Royal o Ngā ti Kikopiri (he matua, he tamaiti rāua) me tō rāua karangatanga, a Rewi Thompson o Ngāti Ngārongo. Ko Bill Royal te kaiwhakahaere matua o ngā mahi, māna e kawe te kaupapa nei ki tōna otinga atu.

Hei te marama pea o Haratua 1997, ka mutu ngā mahere whakahoahoa nei. Ka mutu tēnā, ka kimihia mai ētahi kamupene mā rātau e hanga te whare karakia hou. Ko te tumanako, ka tukua ngā kirimana mahi ki ētahi uri o ngā iwi e toru nei, a Ngā ti Raukawa, a Ngā ti Toa, a Te Āti Awa, i runga anō i ngā tikanga tuku iho o Rangiātea .

Kua oti i a Ngākeiha Hammond rātau ko Moetaatua Tūroa, ko Sonia Snowden, ko Mark Wilson ētahi rōpū te whakarite hei mahi i ngā tukutuku me ngā kowhaiwhai mō roto i te whare. Kua oti kē i ēnei rōpū ngā ngāku kiekie me ngā kākaho te kohikohi mō roto i ngā tukutuku.

Kua kitea mai ētahi tōtara kaitā mō te hanganga houtanga; ko te mahi nui i tēnei wā, he whakaaro me pēwhea te hari mai i aua tōtara ki te wāhi e tū ai te Rangiātea hou; ko te mate kē, he nui rawa ētahi o ngā tōtara nei mō ngā taraka hari rākau.

Ko Te Rōpū Whakahaere o Rangiātea , 1995

Nō ngā iwi e toru, nō Ngāti Raukawa, nō Ngāti Toa, nō Te Āti Awa ngā mema o te rōpū tūao nei, Te Rōpū Whakahaere o Rangiātea .

Mai i te taha mauī

Kei muri: ko Wally Withell (te kaitiaki pūtea) ko Pīhopa Hāpai Winiata, ko Mere Hāwea, ko Andre Baker (te heamana), ko Sylvia Rutherfurd, ko Gaals Raika, ko Dolly Rikihana, ko Gary Millan.

Kei waenganui: ko Netta Wilson, ko Jo Winiata, ko Margaret Davis, ko Marie Hākaraia, ko te minita, ko Hira Royal, ko Tānia Kennedy (te hekeretari i tōna wā), ko John Moffatt.

E tūturi nei i mua: ko Nannette Wilson (te hekeretari), ko Marg Withell, ko Miri Moore, ko Maryanne Wilson.