|
 |
 |
Nā Charles Fitzgerald te whakaahua
He mea homai e te Rōpū Whakahaere o Rangiātea
|
|
|
|
Ko te kainga o Rangiātea e te ahi Ko Rangiātea,
i te 7 o Whiringa-ā-nuku 1995
'Kua tūkinotia e koutou te whānau
a Tāne kua ngaro takoto kau ana - ko te tūranga kau o
Rehua.'
Nā Pāora Temuera, 1947
Nō te atatū tonu i te 7 o Whiringa-ā-nuku 1995,
ka mumura te ahi kai i a Rangiātea. Tērā aituā
nui! Ki te iwi kāinga, anō he tipuna kua riro ki te Pō.
Ka muia e te tangata, Māori, Pākehā, ka tangi aurerehia
te taonga whakahirahira kua eke nei ōna tau ki te 145! Inā
tata tonu nei i whakaorahia ai. Moumou te taonga i manawanui ai,
i ngakaunui ai te tini o ngā iwi e rua.
'E kore au e ngaro te kākano i ruia mai i Rangiātea.'
|
|
|
|
Ko te karakia whakamaharatanga ki a Rangiātea
I te 8 o Whiringa-ā-nuku 1995, i te rangi i muri tonu mai
i te weranga, ka huihui mai te tini me te mano - e 20 ngā minita,
e 2,000 ngā tāngata - ki te tangi ki a Rangiātea;
'kātahi rawa te tangihanga nui ki Ōtaki mai i te matenga
o Te Rauparaha.'
Nā te Pīhopa, nā Muru Walters ngā karakia
ki te reo Māori me te reo Ingarihi. I tae atu hoki ngā
uri o te hunga nā rātou i whakatū a Rangiātea.
Ka taki tūtū mai hoki ngā kaikōrero ki te whakaputa
i o rātou aroha, i ā rātou oati kia tū he Rangiātea
hou.
|
|
|
|
|
He kopa, he ārai i tuituia mō
Rangiātea i te tekau tau 1970-1979
Tērā ētahi rīnena i toe mai i te ahi
- he uhi, he ārai, he ukuinga taputapu o te āta;
he tohu whārangi o te Paipera, he kāmeta mō
te minita.
Nā te kaitiaki, nā Marie Hākaraia i kohikohi
mai i ngā pungarehu. Heoi, e kore e whakamahia anō,
engari ka tohungia hei whakamaharatanga mō tērā
aituā nui.
|
|
|
| |
|
|
| |
 |
|
|
Nā Te Rōpū
Whakahaere o Rangiātea
|
|
|
|
